DFCC வங்கியானது வாட்ஸ்அப் வழியாக DFCC Chatz தளத்தில் 24 மணி நேரமும் சௌகரியமான மற்றும் உடனடி ஆதரவை வழங்கி வருகின்றது

Media Centre

Economic, social and environment development is deeply embedded in our values and informs how we conduct business, develop products and services and deliver on our goals and commitments.

DFCC வங்கியானது வாட்ஸ்அப் வழியாக DFCC Chatz தளத்தில் 24 மணி நேரமும் சௌகரியமான மற்றும் உடனடி ஆதரவை வழங்கி வருகின்றது

January 4, 2023

DFCC வங்கியானது புத்தாக்கமான மற்றும் முன்னோடி டிஜிட்டல் வங்கிச்சேவை தொழில்நுட்பத்தின் பக்கபலத்துடன், பரந்த அளவிலான பரிவர்த்தனை, சேமிப்பு மற்றும் முதலீட்டு தீர்வுகள் மற்றும் சேவைகளை வழங்கும் முழுமையான ஒரு வணிக வங்கியாகும். வேகமாக நகரும் இன்றைய உலகில் சௌகரியமே மிகவும் முக்கியமானது என்பதையும், 24 மணி நேரமும் உடனடி வாடிக்கையாளர் சேவை உதவி அவசியம் என்பதையும் புரிந்துகொண்டு, DFCC வங்கி வாட்ஸ்அப் இல் DFCC Chatz சேவையை தற்போது அறிமுகப்படுத்தியுள்ளது. DFCC Chatz என்பது DFCC வங்கியுடன் இணைந்து, சேவைகளைப் பெற்றுக்கொள்வதற்கு மிகவும் சௌகரியமான, விரைவான மற்றும் சிரமமில்லாத ஒரு வழியாகும். வாடிக்கையாளர்கள் தற்போது எங்கேயும், எப்போதும் உடனடி வாடிக்கையாளர் சேவை உதவியைப் பெற வாட்ஸ்அப் ஐப் பயன்படுத்தலாம்.

அதிநவீன டிஜிட்டல் chatbot தொழில்நுட்ப உதவியுடன் இயங்குகின்ற DFCC Chatz ஆனது வாடிக்கையாளர்களின் பொதுவான கேள்விகளுக்கு உடனடியாகப் பதிலளிப்பதுடன், தேவைப்படும் பட்சத்தில் மனித தலையீட்டைக் கோரலாம். இந்தச் சேவை ஆங்கிலம், சிங்களம் மற்றும் தமிழ் ஆகிய மொழிகளில் 24 மணி நேரமும் கிடைக்கப்பெறுகிறது. வாடிக்கையாளர்கள் தங்கள் வாட்ஸ்அப்பில் DFCC Chatz தொலைபேசி இலக்கத்தைச் சேமித்து, “Hi” என டைப் செய்து உதவியைக் கோருவதன் மூலம் உரையாடலை ஆரம்பிக்க முடியும். 077 023 5000 என்ற தொலைபேசி இலக்கத்தில் வாட்ஸ்அப் மூலம் DFCC Chatz உடன் இணைப்பினை ஏற்படுத்த முடியும்.

இச் சேவையின் அறிமுகம் தொடர்பில் DFCC வங்கியின் டிஜிட்டல் மூலோபாயத்திற்கான துணைத் தலைவரான தினேஷ் ஜெபமணி அவர்கள் கருத்து வெளியிடுகையில், “வாட்ஸ்அப் என்பது பெரும்பாலான மக்கள் தொடர்பாடலை மேற்கொள்ளும் மிகவும் வசதியான ஒரு வழிமுறையாகும். அதைத் தெளிவாக விளங்கிக்கொண்டு, எங்கள் வாடிக்கையாளர்களை மையமாகக் கொண்ட அணுகுமுறையின் வழிநடாத்தலுடன், எங்களுடன் தொடர்புகளை ஏற்படுத்துவதற்காக அதை எளிதாக்க நாம் தீர்மானித்தோம். எனவே, உங்களுக்கு எவ்வேளையிலும் DFCC வங்கியின் தனிப்பட்ட தொடர்புடன் உடனடி உதவி தேவைப்பட்டால், வாட்ஸ்அப்பில் “Hi” என டைப் செய்து, DFCC Chatz க்கு அனுப்பி வைக்க வேண்டும். இது DFCC வங்கியின் டிஜிட்டல் உதவியாளருடன் உங்களை உடனடியாக இணைப்பதுடன், உங்களுடைய பொதுவான தேவைகளைத் தீர்க்க உங்களுக்கு உதவும். அத்துடன், உங்களுக்கு மனித உதவி தேவைப்பட்டால், நேரடி உதவிக்காக ஒரு வாடிக்கையாளர் சேவை முகவருக்கு மாற்றுவதற்கான தெரிவு கிடைக்கப்பெறுகின்றது. DFCC Chatz ஆனது செயற்கை நுண்ணறிவைப் பயன்படுத்தி இடைத்தொடர்பாடும் மற்றும் உரையாடலுடன் கூடியதாக பல்வேறு மார்க்கங்கள் மூலமாக டிஜிட்டல் உதவி சேவை கிடைக்கும் வகையில் வடிவமைக்கப்பட்டுள்ளதுடன், இது ஃபேஸ்புக் மெசஞ்சர், வைபர், DFCC வங்கியின் இணையத்தளம் மற்றும் வாட்ஸ்அப் அடங்கலாக, எமது டிஜிட்டல் வழிமுறைகள் மூலமாகக் கிடைக்கின்றது. எளிமையான, பயன்பாட்டுக்கு இலகுவான இடைமுகம் ஆகியன வாடிக்கையாளர்கள் எங்கேயும், எப்போதும் உரையாடல் வசதி கொண்ட, சிநேகபூர்வமான வழியில், விரைவான சேவையை அனுபவிக்க முடியும் என்பதை உறுதி செய்கின்றன. இலங்கையில் முதன்முதலாக அறிமுகப்படுத்தப்பட்ட டிஜிட்டல் வழி உதவி சேவைகளில் இதுவும் ஒன்றாகும். DFCC வங்கியின் டிஜிட்டல் புத்தாக்கம் மற்றும் வங்கிச்சேவை, நிதித்துறையில் அவற்றைப் பெற்றுக்கொள்வதை இலகுபடுத்துவதைச் செயல்படுத்த வேண்டும் என்ற அதன் முன்னுதாரணமான உணர்வால் சிறப்பாக முன்னெடுத்துச் செல்லப்படுகிறது,” என்று குறிப்பிடடார்.

DFCC வங்கி தொடர்பான விபரங்கள்

DFCC வங்கியானது 66 வருட பாரம்பரியம் கொண்ட, முழுமையான சேவைகளையும் வழங்கும் ஒரு வணிக வங்கியாகும், இது பல்வேறு வணிக மற்றும் அபிவிருத்தி சார்ந்த வங்கிச் சேவைகளை வழங்கி வருகிறது. வங்கியின் நிலைபேண்தகைமை மூலோபாயம் 2020 – 2030, சூழலைப் பேணிப் பாதுகாக்கும் முயற்சிகளுக்கான கடன் வசதி, நிலைபேண்தகு மற்றும் சமூக தொழில்முனைவோருக்கு ஆதரவை வழங்குவதன் மூலம் நிலைபேண்தகு பொருளாதார வளர்ச்சிக்கு பங்களிக்கும் வகையில் எந்த சூழ்நிலையிலிருந்தும் மீண்டு எழும் திறன் கொண்ட வணிகங்களை உருவாக்குவது அடங்கலாக, மீண்டு எழுகின்ற திறனை மேம்படுத்துவதற்கு கூடுதலாக பங்களிக்கும் முன்னணி வங்கிகளில் ஒன்றாக இது திகழ்கிறது. புகழ்மிக்க ஐக்கிய இராச்சியம், Global Brands Magazine சஞ்சிகையிடமிருந்து இருந்து 2021 இல் இலங்கையில் ‘Most Trusted Retail Banking Brand’ மற்றும் ‘Best Customer Service Banking Brand’ ஆகிய விருதுகளை வங்கி வென்றுள்ளது. அத்துடன், Euromoney இடமிருந்து ‘Market leader in Cash Management 2021’ விருதையும் பெற்றுள்ளது. Business Today சஞ்சிகையால் இலங்கையின் மிகச் சிறந்த 40 வர்த்தக நிறுவனங்கள் மத்தியில் DFCC வங்கி தரப்படுத்தப்பட்டுள்ளது. DFCC வங்கியானது ICRA Lanka Limited இடமிருந்து [SL] A+ தரப்படுத்தல் மற்றும் Fitch Ratings Lanka Limited இடமிருந்து A+ (lka) தரப்படுத்தல் ஆகியவற்றையும் பெற்றுள்ளது. இது இலங்கை மத்திய வங்கியின் மேற்பார்வையின் கீழ் அனுமதி உரிமம் பெற்ற விசேட வங்கியாகும்.