Media Centre

எந்தவொரு நபருக்கும் தனிப்பட்ட வளர்ச்சியின் உச்சம் சொந்தமாக வீடு ஒன்றைக் கொண்டிருப்பதாகும். இது சாதனைக்கான ஒரு பாரிய அடையாளமாக இருந்தாலும், சேமித்துள்ள பணத்தைக் கொண்டு மட்டுமே வீடு வாங்குவது என்பது நிச்சயமாக ஒரு சவாலாகும். இந்த சமூகத் தேவையை DFCC வங்கி தெளிவாக இனங்கண்டுள்ளதுடன், அதற்கு பதில் நடவடிக்கையாக அனைவருக்கும் சொந்தமாக ஒரு வீடு வேண்டும் என்ற கனவை நிறைவேற்றுவதற்காக அனைவருக்கும் ஏற்ற இவ்வங்கியானது புதிய வீட்டுக் கடன் ஊக்குவிப்புப் பிரச்சாரமொன்றை ஆரம்பித்துள்ளது.

“வீட்டுக்குப் போவமா? DFCC வங்கி வீட்டுக் கடன் மூலமாக விரைவாக எமது சொந்த வீட்டிற்கே போவோம்” என்ற படைப்பாக்க தொனிப்பொருளில் ஆரம்பிக்கப்பட்டுள்ள இந்த ஊக்குவிப்புப் பிரச்சாரம், வீட்டிற்குச் செல்வதை விட சிறந்த உணர்வு இல்லை என்பதையும், அதிலும் உங்கள் சொந்த வீட்டிற்குச் செல்லும் உணர்வு விலைமதிப்பற்றது என்பதை மக்கள் புரிந்துகொள்ள உதவும் ஒரு செய்தியை அவர்கள் மத்தியில் எடுத்துச் செல்ல முற்படுகிறது. இந்த புதிய வீட்டுக் கடன் ஊக்குவிப்புப் பிரச்சாரத்தை வங்கி சமூக ஊடகங்கள் மற்றும் ஏனைய டிஜிட்டல் ஊடக தளங்களில் தீவிரமாக ஊக்குவித்து வருகிறது.

ஒருவரின் குறிக்கோள் ஒரு வீட்டை அல்லது அடுக்குமனையை நிர்மாணிப்பது, வாங்குவது அல்லது புதுப்பிப்பது என எதுவாக இருப்பினும், DFCC வங்கி வீட்டுக் கடன்கள் மூலமாக அந்த இலக்கை நனவாக்க முடியும். மூன்று அலுவலக நாட்களில் சிரமங்கள் இல்லாத கடன் அங்கீகார நடைமுறைகள் மற்றும் மிகவும் குறைந்த வட்டி வீதங்கள் மற்றும் 20 ஆண்டுகள் வரை கடனைத் திருப்பிச் செலுத்தும் காலம் ஆகியவற்றுடன், குறைந்தபட்சம் மாத வருமானம் ரூபா. 30,000/- மற்றும் அதற்கு மேல் வருமானத்தை ஈட்டுகின்ற எந்தவொரு நபரும் DFCC வீட்டுக் கடனுக்கு விண்ணப்பிக்க தகுதியுடையவர்கள்.

கடனைத் திருப்பிச் செலுத்தும் திறன் மற்றும் சொத்தின் கட்டாய விற்பனை மதிப்பு ஆகியவற்றைக் கருத்தில் கொண்டு அதிகபட்ச கடன் தொகை DFCC வங்கியால் தீர்மானிக்கப்படும். ஒரு வீட்டை நிர்மாணிக்கும் போது, அளவைப் பட்டியல் மதிப்பீட்டு தொகையின் (Bill of Quantity – BOQ) 75% வரை அதிகபட்சமாக கடன் பெற DFCC வங்கி இடமளிக்கிறது. வாடிக்கையாளர்கள் சமமாக்கப்பட்ட மாத தவணைக் கொடுப்பனவு (மூலதனம் மற்றும் வட்டி ஆகியன இணைந்த ஒரு நிலையான தொகை) அல்லது சமமான மாத தவணைக் கொடுப்பனவு (மூலதனத்தை சம தவணைகளில் திருப்பிச் செலுத்தும் போது நிலுவைத் தொகைக்கு ஏற்ப வட்டியுடன் திருப்பிச் செலுத்துதல்) ஆகியவற்றில் ஏதாவொரு முறையை தெரிவு செய்து கொள்ள முடியும்.

விண்ணப்பிப்பதற்கு ஆர்வமுள்ள வாடிக்கையாளர்கள் நாடு முழுவதும் பரந்துள்ள 139 கிளைகளில் ஏதேனும் ஒன்றுக்கு வருகை தருவதன் மூலமாகவோ அல்லது DFCC வங்கி இணையத்தளம் மூலம் ஒன்லைன் வழியாகவோ DFCC வீட்டுக் கடனுக்கு விண்ணப்பிக்குமாறு ஊக்குவிக்கப்படுகிறார்கள். கூடுதல் வசதியாக, DFCC வங்கி வாடிக்கையாளர் குறிப்பிடுகின்ற இடத்தின் முகவரிக்கு தனது பிரதிநிதி ஒருவரை நேரடியாக அனுப்பி வைத்து வாடிக்கையாளர் இருக்கும் இடத்திற்குச் சென்றே வீட்டுக் கடன் சேவையையும் வழங்குகிறது.

தனது வாடிக்கையாளர்களின் தேவைகளை உண்மையிலேயே புரிந்துகொள்ளும் ஒரு வங்கியாக, DFCC வங்கியின் வீட்டுக் கடன் சேவை எந்தவொரு நபரும் தங்கள் வாழ்க்கையில் உள்ள வெற்று இடத்தை நிரப்ப தனது சொந்த வீடு என்று பெருமிதமுடன் கூறிக்கொள்ளும் வகையில் ஒரு விலைமதிப்பற்ற வீட்டை சொந்தமாக்கிக் கொள்ள இடமளிக்கின்றது. DFCC வீட்டுக் கடன்களுடன், ஒரு கனவு வீடு என்பது இனிமேலும் ஒரு கனவாக அன்றி, உண்மையில் நனவாகப் போகின்றது.

DFCC வங்கி தொடர்பான விபரங்கள்

DFCC வங்கியானது 65 ஆண்டுகளுக்கும் மேலான பாரம்பரியத்துடன், வணிக மற்றும் அபிவிருத்தி வங்கி சேவைகளின் ஒட்டுமொத்த அம்சங்களையும் வழங்கும் இலங்கையின் முன்னணி, பாரிய நிதி நிறுவனங்களில் ஒன்றாகத் திகழ்ந்து வருகிறது. இலங்கையில் Business Today சஞ்சிகையால் மிகச் சிறந்த 30 நிறுவனங்களில் ஒன்றாக இந்த வங்கியும் பெயரிடப்பட்டுள்ளதுடன், மேலும் 2020 ஆம் ஆண்டில் Brand Finance இன் மிகச்சிறந்த 100 மிகவும் மதிப்புமிக்க வர்த்தகநாமங்கள் பட்டியலிலும் இடம்பிடித்துள்ளது. ICRA Lanka Limited இடமிருந்து [SL] AA- Stable என்ற தரமதிப்பீடும், Fitch Ratings Lanka Limited இடமிருந்து A+ (lka) Stable என்ற தரமதிப்பீடும் DFCC வங்கிக்கு கிடைக்கப்பெற்றுள்ளன.