Media Centre

வாடிக்கையாளர்களை மையமாகக் கொண்ட ஒரு வங்கியாக, DFCC வங்கியானது கடன் பெறுவதற்கான நெகிழ்வான வழிமுறைகளின் அவசியத்தைப் புரிந்துகொண்டு, தனது வாடிக்கையாளர்களுக்கு மகத்தான அளவில் நிதியியல் சுதந்திரத்தை வழங்கும் கருவிகளுடன் தனது கடனட்டைகளின் வரிசையை மேம்படுத்தி, பலப்படுத்தியுள்ளது. தற்போதுள்ள கோல்ட், பிளாட்டினம், சிக்னேச்சர், இன்ஃபினைட், வேர்ல்ட் மாஸ்டர்கார்டு மற்றும் ஏனைய அட்டைதாரர்களுக்கு சௌகரியம் மற்றும் நெகிழ்வுத்தன்மையை வழங்கும் நோக்கத்துடன், DFCC வங்கி தனது இலகு கொடுப்பனவுத் திட்டங்கள் மற்றும் அட்டையின் மீதான கடன் அம்சங்கள் சார்ந்த விதிமுறைகள் மற்றும் நெகிழ்வுத்தன்மையை மேம்படுத்தியுள்ளது.

ஏனைய வங்கிகளின் அட்டைதாரர்களும் DFCC வங்கியின் கடனட்டை நிலுவை பரிமாற்ற சேவையைப் பெற்றுக்கொள்வதன் மூலம் இந்த அனுகூலங்களைப் பயன்படுத்திக் கொள்ளலாம். இது உங்களுடைய மற்றொரு வங்கியின் கடனட்டையின் தற்போதைய நிலுவையை DFCC வங்கிக்கு மாற்றுவதற்கு மிகவும் சாதகமான விதிமுறைகள் மற்றும் முன்னுரிமை வட்டி வீதங்களுக்கு இடமளித்து, வாடிக்கையாளர்களுக்கு குறிப்பிடத்தக்க சேமிப்பை வழங்குகிறது.

DFCC வங்கியின் இலகு கொடுப்பனவுத் திட்டங்கள், DFCC வங்கி அட்டைதாரர்களை, ரூபா 10,000/- க்கு மேலான தொகை கொண்ட பரிவர்த்தனைகளுக்கு அவற்றை இப்போது வாங்குவதற்கும், பின்னர் 60 மாதங்கள் வரை நீட்டிக்கப்பட்ட, மாதாந்த தவணைகளில் செலுத்தவும் இடமளிக்கிறது. இந்த மனநிம்மதியளிக்கும் வசதியானது வெறும் பெயரளவிலான செயலாக்க மற்றும் ஏற்பாட்டுக் கட்டணத்துடன் மட்டுமே கிடைப்பதால், சந்தையில் மிகவும் கட்டுபடியான தெரிவாக மாறியுள்ளது. எந்தவொரு பரிவர்த்தனையையும் குறைந்தபட்ச தொகைக்கு மேல் இலகு கொடுப்பனவுத் திட்டமாக மாற்றுவது, உங்கள் வாழ்க்கை முறையை அனுபவிக்க இடமளிக்கும் அதேசமயம், அதிகபட்ச நெகிழ்வுத்தன்மையை வழங்குகிறது.

DFCC வங்கியின் அட்டை மீதான கடன் வசதியானது உடனடியாக முற்பணத்தைப் பெறுவதற்கான தெரிவாகும். இது அட்டைதாரர்கள் தங்கள் கடன் உச்ச வரம்பில் 75% வரை பணமாகப் பெறுவதற்கு வலுவளிக்கிறது. அதன் பின்னர் சந்தையில் மிகவும் குறைந்த வட்டி வீதங்களுடன் 60 மாதங்கள் வரை தவணைகளாக திருப்பிச் செலுத்த வாய்ப்பளிக்கிறது. இந்த தெரிவானது, அவசர நிதித் தேவைகள் அல்லது எதிர்பாராத செலவினங்களைச் சமாளிப்பதற்கு ஏற்றது என்பதுடன், மற்றும் அவசரகாலத்தில் உங்களிடம் வழிமுறையொன்று இருப்பதை எப்போதும் உறுதிப்படுத்துகிறது.

DFCC வங்கியின் கடனட்டைகளின் விசேட வரப்பிரசாதங்களை மறுசீரமைப்பது குறித்து, அட்டை மையத்தின் துணைத் தலைவரான டென்வர் லூயிஸ் அவர்கள் கருத்துத் தெரிவிக்கையில், ‘DFCC வங்கியானது ‘அனைவருக்கும் ஏற்ற வங்கி’ என்ற வகையில், இலங்கையில் வங்கித் துறையில் 65 ஆண்டுகளுக்கும் மேலான பாரம்பரியத்தைக் கொண்டுள்ளது. வாடிக்கையாளர்களின் வாழ்க்கை முறை மற்றும் கொள்வனவு சக்தியை மேம்படுத்துவதற்கும், நிதியியல் செலவுகளைக் குறைப்பதற்கும், புத்தாக்கமான மற்றும் பயனர் நேய நிதியியல் தீர்வுகளை வழங்க நாங்கள் அர்ப்பணிப்புடன் உள்ளோம். இந்த மேம்படுத்தப்பட்ட கடனட்டை வரப்பிரசாதங்கள், பலதரப்பட்ட வாடிக்கையாளர்களுக்கு சௌகரியமான மற்றும் கட்டுபடியான நிதிச் சேவைகளை வழங்குவதற்கான எங்கள் அர்ப்பணிப்பை வலுப்படுத்துகின்றன. இந்த வகையான தீர்வுகளுக்கு சந்தையில் சிறந்த கட்டணங்கள் மற்றும் செலவினத்தை மேற்கொள்ளும் ஒவ்வொரு தடவையும் 1% CashBack சலுகையை வழங்குவதன் மூலம், வாடிக்கையாளர்களுக்கு கூடுதல் நிதியியல் நெகிழ்வுத்தன்மையையும், குறிப்பாக தற்போதைய பொருளாதார நிலைமைகளின் போது அவர்கள் தமது நிதியை திறம்பட நிர்வகிப்பதற்கான தெரிவுகளையும் வழங்குகின்றது,” என்று குறிப்பிட்டார்.

DFCC வங்கி பற்றிய விபரங்கள்

DFCC வங்கியானது 68 வருட பாரம்பரியம் கொண்ட, முழுமையான சேவைகளையும் வழங்கும் ஒரு வணிக வங்கியாகும், இது பல்வேறு வணிக மற்றும் அபிவிருத்தி சார்ந்த வங்கிச் சேவைகளை வழங்கி வருகிறது. வங்கியின் நிலைபேண்தகைமை மூலோபாயம் 2020 – 2030, சூழலைப் பேணிப் பாதுகாக்கும் முயற்சிகளுக்கான கடன் வசதி, நிலைபேண்தகு மற்றும் சமூக தொழில்முனைவோருக்கு ஆதரவை வழங்குவதன் மூலம் நிலைபேண்தகு பொருளாதார வளர்ச்சிக்கு பங்களிக்கும் வகையில் எந்த சூழ்நிலையிலிருந்தும் மீண்டு எழும் திறன் கொண்ட வணிகங்களை உருவாக்குவது அடங்கலாக, மீண்டு எழுகின்ற திறனை மேம்படுத்துவதற்கு கூடுதலாக பங்களிக்கும் முன்னணி வங்கிகளில் ஒன்றாக இது திகழ்கிறது. புகழ்மிக்க ஐக்கிய இராச்சியம், Global Brands Magazine சஞ்சிகையிடமிருந்து இருந்து 2021 இல் இலங்கையில் ‘Most Trusted Retail Banking Brand’ மற்றும் ‘Best Customer Service Banking Brand’ ஆகிய விருதுகளை வங்கி வென்றுள்ளது. அத்துடன், Euromoney இடமிருந்து ‘Market leader in Cash Management 2021’ விருதையும் பெற்றுள்ளது. Business Today சஞ்சிகையால் இலங்கையின் மிகச் சிறந்த 40 வர்த்தக நிறுவனங்கள் மத்தியில் DFCC வங்கி தரப்படுத்தப்பட்டுள்ளது. DFCC வங்கியானது Fitch Ratings Lanka Limited இடமிருந்து A- (lka) தரப்படுத்தலையும் பெற்றுள்ளது. இது இலங்கை மத்திய வங்கியின் மேற்பார்வையின் கீழ் அனுமதி உரிமம் பெற்ற விசேட வங்கியாகும்.