සන්නාමයේ කතාව

DFCC බැංකු සන්නාමයේ කතාව ඉතාම සුවිශේෂී වේ. වෙනස්වන අවශ්‍යතාවන් සහ ආර්ථික හැකියාව සමග බැඳුනු අපේක්ෂාවන් සපුරාලීමට හැකිවන පරිදි එහි ආයතනික කාර්යභාරය සහ සේවකයන්ගේ වෘත්තීයභාවය වැඩිදියුණුවෙමින් සහ විශාල පරාසයක පැතිරෙමින් වර්ධනය වේ. 

1955 වසරේ දී ආරම්භ වූ DFCC බැංකුව ආසියාවේ පැරණිතම සංවර්ධන බැංකුවකි.

එක් සුවිශේෂී ආයතනයකි ; පෞද්ගලික ක්ෂේත්‍රයේ ආකෘතියක් වන නමුත්, බොහෝ දුරට එය පොදු සහ පෞද්ගලික සහයෝගීතාවයන්ගේ මුසුවකින් ගොඩනැඟුණු නිමැවුමකි. පාර්ලිමේන්තු පනතකට අනුව නිර්මාණය කළ DFCC බැංකුව නිදහසෙන් පසු වර්ධනයවන කර්මාන්ත ක්ෂේත්‍රයට මූල්‍ය සවියක් වීම උදෙසා පෞද්ගලික අංශයේ ද ඉහළ දායකත්වය ලබාගනිමින් නිර්මාණය විය.

බැංකුකරණයේ නවතම කලාපයක අපේක්ෂා ඉටුකරගැනීම උදෙසා නිර්මාණය කළ මෙම ආයතනය රටේ ආර්ථික, දේශපාලනික උච්ඡාවචනයන් කෙසේ සිදුවූවත් ඒවා නොසලකමින් එදා සිට අද දක්වා ශ්‍රී ලංකා රජයෙන් ලැබෙන විශේෂ ආධාර උපකාර සහිතව දශක පහකට වැඩි කාලයක් නව්‍ය සහ ප්‍රගමනීය බැංකු සේවාවක් පෞද්ගලික ක්ෂේත්‍රයේ වර්ධනය ලගාකර ගැනීම උදෙසා ලබාදුන්නේය. ව්‍යාපාර දියුණුව සඳහා දිගු කාලීන ණය සේවා ලබාදීමේ මුඛ්‍ය පරමාර්ථයට එහා ගොස් DFCC බැංකුව තම භූමිකාවේ සීමා මායිම් වර්ධනයට සහ ව්‍යාපාර සහාය සේවා ලබාදීම උදෙසා ද ව්‍යාප්ත කර තිබේ.

DFCC බැංකුව ශ්‍රී ලංකාවේ අග්‍රග්‍ය ව්‍යවසායකයින් සහ ව්‍යාපාරිකයින්ගේ මුල් අඩිතාලම ගොඩනැගීම සඳහා මූල්‍ය ශක්තියක් වූ බැංකුව ලෙස සිය කාර්යභාරය පිළිබඳව ඉතාමත් ආඩම්බර වන අතර ඔවුන්ගේ ව්‍යාපාරවල මුල් අවධියේ සහ අවධානම වැඩිම අවධියේ ඔවුන්ව අත්නොහැර සිටි ශක්තිමත් ගමන් සගයෙකි. එදා සිටි එවන් අංකුර ව්‍යාපාරිකයන් අදවන විට කෘෂිකාර්මික, ඇඟලුම්, ඉදිකිරීම්, ආහාර පාන, සෞඛ්‍ය සේවා, නිෂ්පාදන සේවා, බලශක්ති, සන්නිවේදන සහ සංචාරක ක්ෂේත්‍රයන්හි ශ්‍රී ලංකාවේ මුල්පෙළෙහි ව්‍යාපාරිකයන් ලෙස තම ස්ථානය තහවුරු කරගෙන තිබේ.

කුඩා හා මධ්‍ය පරිමාණ ව්‍යවසායකයන් කුඩා සංචාරක හෝටල්, ජංගම සන්නිවේදන සේවා සහ මෑතකදී පුනර්ජනනීය බලශක්ති ක්ෂේත්‍රයන් ආදී ප්‍රධාන සංවර්ධන ක්ෂේත්‍රයන්වල මූල්‍ය සේවා දායකයා ලෙස වඩාත් ඉදිරියෙන්ම සිටින්නට DFCC බැංකුවට හැකියාව ලැබී තිබේ. එමෙන්ම, නව්‍ය සහ නැඟී එන ව්‍යාපාර ක්ෂේත්‍රයන් වන ආයෝජන බැංකුකරණ, ඒකකභාර, කොටස් වෙළඳපළ, ව්‍යාපාර ප්‍රාග්ධන සහ කාර්මික වතු කළමනාකරණ ක්ෂේත්‍රයන්හි මූල්‍ය ‍සේවා දායකත්වය ලබාදීමට DFCC ඉදිරිපත් වී තිබේ.

සිය ආරම්භක අරමුණ කවදත් නොවෙනස්ව සහ ඉදිරියෙන්ම තබාගෙන කටයුතු කරන DFCC බැංකුව නව සහශ්‍රයේ අපේක්ෂාවන්ට මුහුණ දීමට සිය ව්‍යාපාරික ආකෘතිය නව්‍ය ආකාරයට වෙනස්කරමින් සිය ගමන අරඹා ඇත. උපදේශණ සේවා සහ තොරතුරු තාක්ෂණ සේවා හරහා මුල්‍ය ක්ෂේත්‍රයට නව ක්‍රියාකාරී අංශයක් ස්ථාපනය කරමින් සහ ආයෝජන ලබාදීමේ සාම්ප්‍රදායික බැංකුකරණ ව්‍යාපාරය අලුත් මුහුණුවරක් එක් කිරීමට ඔවුන් සමත්විය. තවද ආයෝජන බැංකු සමූහයක් ලෙස ඉතා විශාලව පැතිරුණු සේවා ආකෘතියකින් සහ නව‍ හැඩයකින් සිය මුල්‍ය සේවා ඉදිරිපත් කිරීමට කිරීමට DFCC බැංකුව සමත්වී ඇත.

එයට උදාහරණයක් ලෙස පසුගිය දශකයේ දී DFCC බැංකුව විසින් සිය එදිනෙදා බැංකුකරණ සේවා අංශය ලෙස DFCC වර්ධන බැංකුව ශ්‍රී ලාංකිකයන්ට හඳුන්වාදෙනු ලැබීය. සෑම මිනිසකුගේම ජීවිතයේ සියලුම අවධීන්ට ගැළපෙන එදිනෙදා මූල්‍ය සේවා සපයන බැංකුවක් සහ ව්‍යාපාර ක්ෂේත්‍රයේ අභිවෘද්ධිය සඳහාම නිර්මාණය කළ බැංකුවක් ලෙස එයටම සුවිශේෂී ලක්ෂණ ඇති බැංකු දෙකක් එකම ආයතනයක් තුලින් ගොඩනැඟීමට DFCC බැංකුවට හැකියාව ලැබිණි. ඒමෙන්ම පෞද්ගලික මූල්‍ය සේවා වත්කම් වර්ධනය කිරීමෙන් සහ එම අවශ්‍යතාවන්ට ගැළපෙන නව්‍ය මූල්‍ය නිෂ්පාදන හඳුන්වාදීම හරහා බැංකුවේ සේවා පරාසය ව්‍යාප්ත කළේය.

මෙම වර්ධනීය ගමන් මඟ තුළ DFCC බැංකුව සැමදා ධරණිය සංවර්ධනය උදෙසා මූල්‍ය දායකත්වය ලබාදීමේ සිය මූලික හරය කිසිදා අමතක නොකොට කටයුතු කර ඇත. විශේෂයෙන් ප්‍රාදේශීය සංවර්ධනය වෙනුවෙන් ඉතා ඉහළ සේවයක් සිදුකිරීමට දායකත්වය ලබාදෙමින් මෙන්ම විශේෂයෙන් ග්‍රාමීය ආර්ථිකය නඟාසිටුවීමට අවශ්‍ය මූල්‍ය පහසුකම් සපයා ඒ ප්‍රදේශවල ජනතාවගේ ජීවන තත්ත්වය, රැකියාලාභීත්වය සහ මූල්‍ය ප්‍රාග්ධනය හැකියාව ඉහළ නැංවීය. මෙම සාධනීය පරිවර්ථනයේ ප්‍රධානතම ධාවකයා ලෙස සුළු සහ මධ්‍ය පරිමාණ ව්‍යාවසායකයන් හඳුන්වාදිය හැකි අතර මෙම අංශයේ අභිවෘද්ධිය සඳහා DFCC බැංකුව සැමදා පෙනී සිටී. 

වසර ගණනාවක් මුළුල්ලේ සංවර්ධනය සහ ආයතනික සමාජ වගකීම් අංශයෙන් උසස් සේවයක් ලබාදීමට කටයුතු කරන DFCC බැංකුව තමන්ගේ සියලු කාර්යයන් සිදුකරන්නේ ඒ පිළිබඳ ප්‍රමුඛ අවධානය යොමුකරමින් වේ. කෙසේවූවත් බැංකුවක් ලෙස අපි කරන කාර්ය ඇගයීමට ලක්වීම වැදගත්වන අතර මෙහි සුවීශේෂී කාරණාව ජාත්‍යන්තර ප්‍රජාව ද අපව අගය කිරීමයි. ලෝක බැංකු ආධාර ද ඇතිව සංවර්ධනය උදෙසා මූල්‍ය ශක්තිය ලබාදෙන ඉතා කුඩා බැංකුවක් ලෙස සිය ගමන්මග ඇරඹි DFCC බැංකුව ජීවගුණයෙන් පිරිපුන් බැංකුවක් ලෙස පමණක් නොව විවිධ මූල්‍ය නිමැවුම් රැසක් වෙළඳපොලට හඳුන්වාදීමෙන් සහ ජාත්‍යන්තර මෙන්ම දේශීය මූල්‍ය සිතියම වෙනස්වන නව්‍ය මූල්‍ය ආයතනික වෙනස්කම් රැසක් මුල්‍ය ක්‍ෂේත්‍රයට හඳුන්වාදුන් පුරෝගාමියෙකු වේ. විවිධ කලාපවල පැතිරුණු විවිධ ආයතනවලට මුල්‍ය සේවා සපයමින් අනාගත ශ්‍රී ලංකාවේ මුල්‍ය ශක්තිය වර්ධනය කිරීමට වෙහෙසීම DFCC බැංකුවේ සුවිශේෂීත්වයයි.

විවිධ ආයතනවල සහ පුද්ගලයන්ගේ ආර්ථික හැකියාවන් අනූව වෙනස්වන අපේක්ෂා සහ වෙනස්වන අවශ්‍යතා මෙන්ම එවන් අවශ්‍යතාවයන්ට ආර්ථික වර්ධනය ලඟාකරදීම උදෙසා වසර ගණනාවක් මුළුල්ලේ වෙහෙසුනු DFCC බැංකුව ඒ අපේක්ෂා සහ උවමනාවන් ඉටුකිරීම උදෙසා තමන්ගේ ද හැඩහුරුකම් වෙනස්කර ඉදිරියට පැමිණියේය.

2007 අංක 07 දරණ ව්‍යාපාරික ආයතනික පනතට අනුව DFCC බැංකුව 2015 ජනවාරී මාස‍යේදී පොදු සමාගමක් ලෙස හිමිකම් ඇති  DFCC Bank PLC ලෙස පරිවර්ථනය විය.

2015 ඔක්තෝම්බර් මාසයේ දී DFCC Bank PLC හි සුවිශේෂී වෙනස්කමක් සිදුවුනු අතර එහි එදිනෙදා පාරිභෝගික බැංකු සේවා පවත්වාගෙන ගිය අංශයවන DFCC Vardhana බැංකුව මහ බැංකුවේ අධීක්ෂණය යටතේ වඩා හොඳ පාරිභෝගික සේවාවක් ලබාදීම උදෙසා නැවත සම්පූර්ණ වශයෙන් DFCC බැංකු ව්‍යුහයට ඒකාබද්ධ කරගැනීම සිදුවිය. සංවර්ධන බැංකුවක් සහ එදිනෙදා පාරිභෝගික සේවා ලබාදෙන බැංකුවක් එකට එකතුවීමෙන් ගොඩනැගුණු අලුත් ව්‍යුහය ඉහළ හැකියාවකින් සහ ශක්තිමත්භාවයකින් යුතුව DFCC බැංකුව ලාංකික බැංකුකරණ ක්ෂේත්‍රයේ ඉහළටම ගෙනයාමට ක්‍රියාත්මක වේ.
මුල්‍ය සේවා සපයන්නෙකු ලෙස DFCC Bank PLC බැංකුව සිය ආයතනය සතු අ‍නෙකුත් උප අංශ, සම්බන්ධිත ආයතන සහ ඒකාබද්ධිත සමාගම්වල උපකාරය ඇතිව තම මෙහෙයුම් හැකියාව පුළුල්ව ඇති ක්ෂේත්‍රවන ආයෝජන බැංකුකරණ, ඒකකභාර, කොටස් වෙළඳපොල, මූලික ප්‍රග්ධන, කාර්මික වතු සංවර්ධන, මුල්‍ය උපදේශණ සහ තොරතුරු සන්නිවේදන සේවා පාරිභෝගිකයන්ට ලබාදීම සිදුකරයි. 

දැනට බැංකුව විසින් ශ්‍රී ලංකාව පුරා ශාඛා 138 පවත්වාගෙන යන අතර විවිධ ක්ෂේත්‍රවල පළපුරුද්ද ඇති 1500 ඉහළ කැපවීමෙන් වැඩකරන සේවයන් පිරිසකගේ දායකත්වයෙන් සිය මුල්‍ය සේවා ලබාදීම සිදුකරයි.

අනාගතය දරන්නේ කුමක් ද? බැංකුව වර්ධනයවන්නේ නව හැඩයකින් නමුත් දරාගෙන පවතින්නේ තෝරාගැනීමෙන් සහ අනාගයට අදාළවන ලෙස පැවතීමෙනි.නව්‍ය සහ වගකීම් සහගත මුල්‍ය විසඳුම් ලබාදීම හරහා පුද්ගල සහ ආයතන වර්ධනය මඟින් ධරණීය ප්‍රගතියක් සහ සෞභාග්‍යක් ළඟාකරගැනීම වෙත මූලිකත්වය ගෙන කටයුතු කිරීම බැංකුව විසින් නොනවත්වා සිදුකරයි.  ඉතින් අපි නොනවත්වා වර්ධනය වෙමු.